PRAIAS

Posto que é un cabo, Fisterra está totalmente arrodeado de mar e de praias dunha calidade excepcional. Atoparás praias de mar aberto, con fortes ondadas, e moi apropiadas para a práctica de surf, e praias moi tranquilas, con augas cristalinas e areas finas e brancas.

 

Algunhas das que máis destacan son a praia da Langosteira, unha das máis grandes, con case 3 km de lonxitude; é a máis visitada do municipio, e, sen dúbida, a máis visitada da Costa da Morte. A bandeira azul é moi frecuente nela, e conta con multitude de servizos, paseos, accesos para minusválidos, a riqueza natural do longueirón, e unhas vistas espectaculares do pobo de Fisterra.

É salientable tamén a praia de Talón, desde onde se pode observar o cabo Fisterra; a súa area é da mellor calidade, e as augas son cristalinas e tranquilas. A praia de Corveiro, aos pés da Igrexa da nosa Señora das Areas, é un paraíso natural para os que gozan especialmente do submarinismo. Finalmente, tamén destacan as praias de Ribeira, Sardiñeiro, Mar de Fóra, Arnela e Rostro (a máis grande de todo o municipio con máis 3 km de lonxitude, aínda que tamén, a máis perigosa e unha das máis fermosas).

FESTAS

As festas e celebracións constitúen unha parte fundamental da cultura galega, e como é de esperar, tamén son moi importantes para Fisterra. En primeiro lugar, queremos salientar o Entroido de Fisterra, que se celebra desde principios do século XX. Neste entroido participan comparsas que cantan as tradicionais cancións de entroido e interpretan parodias teatrais que fan referencia ás políticas municipais e estatais co fin de facer burla delas.

A Semana Santa de Fisterra, coñecida tamén como as Festas do Santo Cristo, é sen dúbida o principal festexo do municipio. É a máis importante de Galicia, xunto coa de Ferrol e Viveiro, e son festas de Interese Turístico Nacional. A Festa da praia celébrase na Praia da Langosteira a última fin de semana de xullo; trátase dunha festa ideal para gozar da música en directo, dos postos de comida, do baile, etc. A Festa do Longueirón é tamén unha importante festa gastronómica con case vinte anos de historia; nesta festa faise promoción da xoia culinaria de Fisterra: o longueirón.

A Festa Folk na Fin do Camiño é tamén un evento de grande importancia para Fisterra. Celébrase desde hai máis de 10 anos, e o seu obxectivo é resaltar que este municipio é desde tempos inmemoriais a Fin do Camiño. Celébrase a terceira fin de semana de agosto. Un mes máis tarde, en setembro, celébranse as Festas patronais da Nosa Señora do Carme. O primeiro día da celebración, faise unha procesión e unha ofrenda á Virxe das Areas (patroa da vila). Por último, as Festas do Bo Suceso celébranse na contorna da capela do Bo Suceso na honra da virxe do bo suceso.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información

ACEPTAR
Aviso de cookies